ចាប់តាំងពីបង្កើតមកជាង៤ឆ្នាំ អង្គភាពច្រកចេញ-ចូលតែមួយខេត្ត-រាជធានី ប្រមូលលុយបានជាង ៧៥លានដុល្លារ
ភ្នំពេញ៖ ចំណូលពីដែលប្រមូលបានអង្គភាពច្រកចេញ-ចូលតែមួយរាជធានី-ខេត្ត ទាំង២៥ រហូតមកដល់ខែកក្កដា ឆ្នាំ២០២២ ប្រមូលបានជាង ៧៥លានដុល្លារ ខណៈចំណូលដែលប្រមូលពីច្រកចេញ-ចូល ក្រុង-ស្រុកបានជិត ២០លានដុល្លារ។ នេះបើតាមរបាយការណ៍របស់ក្រសួងមហាផ្ទៃ។
បច្ចុប្បន្នអង្គភាពច្រកចេញ-ចូលតែមួយរាជធានី-ខេត្ត មានទូទាំង ២៥ខេត្ត-រាជធានី ខណៈច្រកចេញ-ចូលតែមួយក្រុង-ស្រុក-ខណ្ឌ មានចំនួន ២០៤ការិយាល័យទូទាំងប្រទេស។
អ្នកនាំពាក្យក្រសួងមហាផ្ទៃលោក ខៀវ សុភ័គ បញ្ជាក់ថាច្រកចេញ-ចូលតែមួយជាយន្តការបម្រើឱ្យកាន់តែកៀកនិងពលរដ្ឋដែលមានភាពងាយស្រួល ព្រមទាំងមានតម្លាភាព។
លោកថា៖ «បានន័យថាប្រជាពលរដ្ឋចង់ធ្វើកិច្ចការអីមួយច្រកចេញ-ចូលតែមួយធ្វើការបម្រើជូន គ្រាន់តែយើងបង់ថ្លៃសេវារដ្ឋដែលបានកំណត់នៅមុខច្រកចេញ-ចូលតែមួយហ្នឹងទៅ»៕
PHOTO: Chhorsovoath Meas